‘Năr 18/11, tơ̆ Anih jang Trung ương Đảng, Khŭl chĕp kơ̆l Anih pơgơ̆r Trung ương găh tang găn sa pơgơ̆m pơjĭp hlôi pơgơ̆r ‘Măng hop akŏm hăm tơdrong pơgơ̆r đơ̆ng Tổng Bí thư Nguyễn Phú Trọng, Kơdră Anih pơgơ̆r jang vă pơma dơnuh, ăn tơgop nơ̆r găh pơtôch pơgơ̆r hơmet pơ ‘lơ̆ng hăm 1,2 tơdrong găh Anih pơgơ̆r jang răp hơlen, pơgơ̆r đơ̆ng rŏng ‘Măng hop akŏm mă 21 truh dang ei. Pơtôch ‘măng hop akŏm, kŭm hăm tơdrong pôk pơ ư lăng ‘lơ̆ng dôm jơnei ‘lơ̆ng hơ dăh lơ̆m tơdrong jang iung jang tang găn tang găn sa pơgơ̆m pơjĭp khei ‘năr âu ki, Tổng Bí thư Nguyễn Phú Trọng kŭm tơƀôh hơdăh, tơdrong iung jang tang găn sa pơgơ̆m pơjĭp oei đei 1,2 tơdrong tam mă ‘lơ̆ng nhen: 1,2 tơdrong hiơ̆ pơtôch hơmet pơ ‘lơ̆ng kiơ̆ trong tơlĕch jang đơ̆ng Anih pơgơ̆r jang.

Tổng Bí thư Nguyễn Phú Trọng tơroi rơđăh tơdrong jang: Lơ̆m iung jang tang găn sa pơgơ̆m pơjĭp athei jang mă kơtang păng hrơ̆ch 1 ‘măng, kơtang hrơ̆ch 1 ‘măng đơ̆ng pơjing păng tơjră, đơ̆ng pơjing pơkeh trong jang vă găn đĭ dôm tơdrong ưh kơ ‘lơ̆ng hăm tơdrong jang kiơ̆ dôm trong jang tang găn sa pơgơ̆m pơjĭp; hơtŏk loi dơ̆ng hơ len lăng, dăr lăng, vei lăng vă chă ƀôh sa pơgơ̆m pơjĭp hăm dăr hơlen, sek phak.