Vă pơma dơnuh, ăn tơgop nơ̆r păng tơbăt Hla bơar chĭh tơbăt pơtôch bơ̆ jang chĕp pơgơ̆r, pơrô jang kiơ̆ tơdrong jang khul lĭnh, vei lăng sơlam teh đak păng bơ̆ jang tơ iung pơjing Đảng Khŭl Ƀô̆ đô̆i sơnăm 2022; sơkơ̆t hơdăh trong bơ̆ jang pơrô̆ jang kiơ̆ tơdrong jang sơnăm 2023.

Iung pơma pơtôch hop akŏm, Tổng Bí thư Nguyễn Phú Trọng Trong pơkă, lơ̆m sơnăm 2023 Quân ủy Trung ương, Dơnŏ anĭh tơm Ƀô̆ đô̆i vei lăng sơlam teh đak ‘ngoăih bơ̆ jang tơdrong jang kăl ‘nŏh pơchŏh trong ăn kơ Đảng, teh đak hơmet pơ ‘lơ̆ng tơtom, jơnei rim tơdrong, vei lăng kơjăp pơm tơm kơdĭh păng gei kơjăp groi teh kơ Teh đak, ‘nŏh kăl hơnơ̆ng vei kơjăp păng atŏk kơtang tơdrong chĕp pơgơ̆r kơtă găh rim tơdrong kơ Đảng hăm Khŭl Ƀô̆ đô̆i, Khŭl Đảng Dơnŏ anĭh Ƀô̆ đô̆i kăl pơm jŭk yŭk trong hơlau lơ̆m pơđĭ Đảng; rim Kang ƀô̆, đang viên, mă kăl ‘nŏh kang ƀô̆ chĕp pơgơ̆r kăl “Lăng hơlen kơdĭh, hơmet ăn kơdĭh” lơ̆m rim tơdrong ayơ, tơnap tap, mơnat tat trŭh dang yơ ‘noh jơhngơ̆m đon “Ƀô̆ đô̆i Ƀok Hô” oei hơnơ̆ng gei kơjăp.