VOV4.Bahnar - Pơgê năr 8/6, tơ̆ Hơnĭh bơ̆ jang Trung ương Đảng, Tổng Bí thư Nguyễn Phú Trọng pơma đam trư̆k tuyên hăm Ƀok Kơdră tơm Hàn Quốc Yun Sớc Yên.

Tổng Bí thư Nguyễn Phú Trọng

Lơ̆m jơ ‘năr chơt hơ iă, ƀar ‘nu kơdră chĕp pơgơ̆r tĕh đak hôn bơnê kơ tơdrong gĭt kăl kơ ‘măng pơma đam kơdră kơpal, mă kăl lơ̆m khei ‘năr ƀar tĕh đak pơgơ̆r tơbăt 30 sơnăm pơjing tơbôl. Ƀok kơdră tơm Yun Sớc Yên hmach chơt hơ iă dôm tơdrong jơnei tôm tong găh atŏk tơ iung, hơnapw jang păng hơnĭh dơ̆ng apŭng plĕnh tĕh roi năr roi kơtang kơ Việt Nam.

Rup pơgơ̆r pơma đam

Tổng Bí thư Nguyễn Phú Trọng sơkơ̆t hơdăh, lăng kơ jăp tơdrong tơgoăt tơgoăl jang hơdoi tôm tong gĭt kăl Việt Nam - Hàn Quốc; hôn bơnê kơ tang tơdrong tơgŭm djru đơ̆ng Hàn Quốc lơ̆m atŏk tơ iung tơ̆ Việt Nam, lơ̆m au đei jang hơdoi tang găn jĭ hơbŭh Covid-19. Ƀar ‘nu kơdră chĕp pơgơ̆r tĕh đak drơ̆ng mĭnh nơ̆r atŏk kơtang tơƀơ̆p pơma dơnŭh dĭh băl khŭl kơdră kơpal; atŏk tơ iung jang hơdoi lơ̆m vei lăng sơđơ̆ng tĕh đak; pơtrŭt kơtang jang hơdoi joh ayŏ, tơgoăt tơgoăl ƀar păh rim tơring…

Tơblơ̆ nơ̆r: Amazưt