Tơ̆ jơ pơma dơnuh, ƀar ‘nu Kơdră chĕp pơgơ̆r sơkơ̆t hơdăh tơgoăt tơgoăl mĭnh nơ̆r ƀơ̆r đon, tơbôl gĭt kăl, ‘lơ̆ng hơ iă ƀar păh Đảng, ƀar teh đak kơ yuơ Kơdră chĕp pơgơ̆r Teh đak Hồ Chí Minh hăm Kơdră chĕp pơgơ̆r Phi-đel tơ iung pơjing; chă pơma dơnuh găh trong jang vă atŏk kơtang tơgoăt tơgoăl dĭh băl lơ̆m khei năr au kơnh.

Drơ̆ng mĭnh nơ̆r hlôh vao, tơgŭm djru dĭh băl, vei kơjăp chă pơma dơnŭh dĭh băl kơ khŭl kơdră kơpal păng rim hơnĭh; hơnơ̆ng chă pơma dơnŭh găh trong jang, trong jang hlôi iŏk đei jơnei; tơlĕch jang kiơ̆ ‘lơ̆ng rim tơdrong drơ̆ng mĭnh nơ̆r jang hơdoi lơ̆m rim tơdrong mă ƀar păh jang gơ̆h, đei nhen choh jang sa, jang pơgang; atŏk kơtang iung jang hơdoi, tơgŭm djru dih băl tơ̆ rim ‘măng hop akŏm apŭng plĕnh teh. Ƀok Miguel Díaz-Canel pơma tơbăt jơhngơ̆m đon ‘mĕh vă rim hơnĭh mơdro sa Việt Nam atŏk kơtang tơmơ̆t jên jang lơ̆m rim tơdrong vă jang tơ̆ Cuba, mă kăl lơ̆m rim tơdrong jang chŏh jang sa ƀa hơƀo, ‘nhot, tơmam drăm tĕch răt, tĕch mơdro au to.