Gơmăng ‘năr 1/11, Tổng Bí thư Nguyễn Phú Trọng păng Khŭl tang măt kơdră kơpal Việt Nam hlôi brŏk truh tơ̆  Hà Nội, pơtôch ‘lơ̆ng hơiă ‘măng năm ngôi tơ̆ teh đak CHND Trung Hoa kiơ̆ nơ̆r krao hơvơn đơ̆ng Tổng Bí thư, Kơdră teh đak Tập Cận Bình. Lơ̆m jơ năr năm ngôi, Tổng Bí thư Nguyễn Phú Trọng hlôi pơma dơnuh hăm Tổng Bí thư, Kơdră teh đak Tập Cận Bình, pơma dơnuh hăm Thủ tướng Lý Khắc Cường, pơma dơnuh hăm Kơdră Kuôk hô̆i Trung Quốc Lật Chiến Thư păng Kơdră Chính Hiệp Uông Dương.

Kơdră chĕp kơ̆l Đảng, teh đak năm tơ̆ cham gre păr sơng Tổng bí thư

Lơ̆m ‘măng năm ngôi, 2 păh hlôi kĭ pơkăp 13 hla ar jang hơdai lơ̆m dôm tơdrong jang; tơlĕch nơ̆r pơma hơdăh atŭm Việt Nam – Trung Quốc ‘noh đei 13 điểm. Pơma hơdăh, ‘măng năm ngôi tơ̆ Trung Quốc đơ̆ng Tổng Bí thư Nguyễn Phú Trọng hlôi jơ nei ‘lơ̆ng hơiă, tơgop ‘lơ̆ng lơ̆m tơdrong hơtŏk 1 jơ hngơ̆m đon, jang tơbôl joăt joe Việt Nam - Trung Quốc, tŭn pran păng jang ‘lơ̆ng hloh ‘lơ̆ng tơdrong pơvei jang hơdai tôm tơdrong Việt Nam - Trung Quốc lơ̆m chăl hle, pơtrŭt tơdrong rơngei, sơđơ̆ng păng hơtŏk tơiung hơnŭk hơnoa kơ tơ ring păng apŭng plĕnh teh.