VOV4.Bahnar - Tơ̆ anih jang Trung ương Đảng, ƀok Nguyễn Phú Trọng, Tổng Bí thư Anih chĕp kơ̆l pơ gơ̆r Trung ương Đảng Cộng sản Việt Nam hlôi sơng kơ dră tơm jang tơ bôl Liên bang Nga Xéc-gây La-vơ-rốp truh pơ ma dơ nuh ƀlep ƀơ̆t ‘măng năm tơ mang tơ̆ Việt Nam. Kơ dră tơm jang tơ bôl  Xéc-gây La-vơ-rốp bơ nê kơ Tổng Bí thư Nguyễn Phú Trọng hlôi ‘măn jơ pơ ma dơ nuh păng roi tơ băt găh iŏk yua dôm ‘măng pơ ma đam lơ̆m ‘măng năm tơ mang găh jang hơ dai lơ̆m rim tơ drong jang đơ̆ng Liên bang Nga păng Việt Nam, sơ kơ̆t hơ dăh tơ drong lăng kăl đơ̆ng Liên bang Nga hăm tơ drong pơ vei jang hơ dai tôm tơ drong đơ̆ng 2 teh đak, tơ gŭm hơ năp jang tơm đơ̆ng ASEAN tơ̆ tơ ring, bơ nê tơ drong tơ gop đơ̆ng Việt Nam lơ̆m pơ trŭt tơ drong pơ vei Liên bang Nga-ASEAN lơ̆m dôm sơ năm âu ki păng tơ ƀôh jơ hngơ̆m đon jang đơ̆ng Nga găh dôm tơ drong apŭng plĕnh teh, lơ̆m noh đei tơ drong tơ blăh tơ blŭng tơ̆ Ukraine. Tổng Bí thư Nguyễn Phú Trọng pơ ma hơ dăh Việt Nam lăng kăl tơ drong pơ vei jang hơ dai tôm tơ drong hăm Liên bang Nga păng jang hơ dai đơ̆ng 2 teh đak; hmach ăn ‘măng năm tơ mang đơ̆ng kơ dră tơm jang tơ bôl Liên bang Nga Xéc-gây La-vơ-rốp jơ nei ‘lơ̆ng hơ iă.

Thuem: Tơ blơ̆