VOV4.Bahnar - Kơ sơ̆ ‘năr 16/5, tơ̆ Anih jang Trung ương Đảng, Tổng Bí thư Nguyễn Phú Trọng hlôi sơng Kơ dră tơm teh đak Hy Lạp Ca-tê-ri-na Xa-kê-la-rô-pu-lu păng Khŭl tang măt gĭt kăl teh đak Hy Lạp truh kơ kuh pơ ma dơ nuh ƀlep ƀơ̆t ‘măng năm tơ mang tơ̆ Việt Nam. Tổng Bí thư Nguyễn Phú Trọng hôn bơ nê Kơ dră tơm Ca-tê-ri-na Xa-kê-la-rô-pu-lu păng Khŭl tang măt gĭt kăl teh đak Hy Lạp năm tơ mang tơ̆ Việt Nam hmach chơt hơ iă kơ yă Ca-tê-ri-na Xa-kê-la-rô-pu-lu đei pôk pơm Kơ dră tơm mă blŭng kơ Hy Lạp.

Jơ sơng pơ ma dơ nuh đơ̆ng Tổng Bí thư Nguyễn Phú Trọng

Tổng Bí thư kŭm pơ ma dơ nuh hăm Kơ dră tơm teh đak Hy Lạp găh dôm jơ nei tơ plih ‘nao, tơ drong tơm hơ tŏk tơ iung đơ̆ng Việt Nam păng trong jang tơ bôl hiôk hian, pơm tơm kơ dih, rơ ngei, tơ bôl, jang hơ dai păng hơ tŏk tơ iung; Việt Nam jĭ buăl, teh đak jang hơ dai lui ngeh, teh đak jang lơ̆m khŭl đei jang tơ năp kơ tơ pôl apŭng plĕnh teh. 2 kơ dră chĕp kơ̆l kŭm drơ̆ng nơ̆r hơ tŏk loi dơ̆ng tơ drong pơ vei chĭnh trĭ, tŭn pran tơ drong jang hơ dai, tơ gŭm băl tơ̆ dôm hop akŏm apŭng plĕnh teh.

Thuem: Tơ blơ̆