Tơ̆ jơ sơng, Tổng Bí thư Nguyễn Phú Trọng pơma hơdăh, 2 păh hơnơ̆ng jang hơdoi kơjăp, hơnhăk tơdrong pơvei, jang hơdoi 2 pang tŏk roi đunh roi ‘lơ̆ng păng đei yoa ƀiơ̆, lơ̆m nŏh năng kăl pơm hơtŏk dôm ‘măng năm hơpong, tơƀâp, pơma nuh tih vă hơtŏk tơdrong hlôh vao băl, vang pơma nuh găh dôm trong jang tih vă atŏk tơiung tơdrong pơvei ăn 2 tĕh đak; hơtŏk tơdrong jang hơdoi đơ̆ng dôm anih tơm, anih jang kơpal, tơring tơrang kơ 2 tĕh đak.

Kơdră Kuô̆k hô̆i Hàn Quốc hơpơi ‘mĕh 2 păh hơnơ̆ng tưk tơiung dôm tơdrong jơnei hlôi iŏk đei lơ̆m tơdrong pơvei 2 pang găh dôm tơdrong jang chinh trĭ, mŭk drăm, jŏh ayŏ kơdŏ xoang, jang tơbôl kon pơlei, vei lăng sơđơ̆ng tĕh đak; pơma hơdăh Hàn Quốc năng kăl tĕh đak Việt Nam lơ̆m dôm trong vă jang păng tơdrong pơchĕh ‘nao tơ̆ tơring, lơ̆m nŏh đei Tơdrong pơchĕh tơguăt Hàn Quốc - ASEAN.