Tổng Bí thư Nguyễn Phú Trọng hôn bơnê kơ ‘măng năm ngôi, bơ̆jang đơ̆ng kơdră tơm Uganda, pơma hơdăh tơdrong jang đei tơdrong ‘lơ̆ng gĭt kăl, pơih ăn jăl jang hơtŏk tơiung ‘nao đơ̆ng 2 đảng, 2 teh đak.

Lơ̆m jơnăr hiôk ‘lơ̆ng, Tổng Bí thư Nguyễn Phú Trọng pơma hơdăh tơmam ‘lơ̆ng jang hơdai đơ̆ng 2 teh đak lơ̆m rim tơdrong jang oei tôch kơ tih: tơroi dôm trong vă jang pơtrŭt jang hơdai chĭnh trĭ, mŭk drăm, joh ayŏ, hơtŏk loi dơ̆ng hlôh băt dih băl, jang hơdai tơ̆ dôm hop akŏm apŭng plĕnh teh; pơma hơdăh tơdrong gĭt kăl đơ̆ng tơdrong jang hơdrin chĭnh trĭ păng trong tơlĕch jang đơ̆ng kơdră chĕp kơ̆l 2 teh đak lơ̆m tơdrong pơtrŭt tơdrong pơvei 2 pang. 2 păh drơ̆ng nơ̆r hơdrin tŭn pran tơdrong pơvei 2 pang hơtŏk tơiung đei yua, ‘lơ̆ng, hơnhăk tơdrong pơvei jing jăl jang hơtŏk tơiung ‘nao tơgăl hăm ‘meh vă păng tơmam ‘lơ̆ng đơ̆ng 2 teh đak.