VOV4.Bahnar -  Kơsơ̆ năr 25/4, tơ̆ Hơnĭh bơ̆ jang Trung ương Đảng, Tổng Bí thư Nguyễn Phú Trọng sơng pơơma dơnŭh hăm Kơdră tang măt tĕh đak Mi tơ̆ Việt Nam Marc E. Knapper trŭh kŭh ka hla bat ƀlep lơ̆m năr iŏk bơ̆ jang tơ̆ Việt Nam. Kơdră tang măt Marc E. Knapper hôn bơnê kơ Tổng Bí thư Nguyễn Phú Trọng hlôi ‘măn jơ ‘năr sơng, pơma tơbăt jơhngơ̆m chơt hơ iă đei vĭh hơlơ̆k bơ̆ jang dơ̆ng tơ̆ Việt Nam hăm hơnăp jang Kơdră tang măt tĕh đak Mi tơ̆ Việt Nam. Kơdră tang măt Mác Náp-pơ (Marc E. Knapper) sơkơ̆t hơdăh, Mi tơgŭm djru mĭnh tĕh đak Việt Nam pran kơtang, pơm tơm kơ dĭh, pơdrŏng hơnŭk hơnoa păng atŏk kơtang tơgoăt tơgoăl ‘moi kiơ̆ yom dĭh băl rim trong jang chĭnh trĭ. Kơdră tang măt gô hơdrin đĭ jơhngơ̆m vă tơgop lơ̆m atŏk kơtang tơgoăt tơgoăl Mi - Việt Nam. Tổng Bí thư Nguyễn Phú Trọng hmach chơt hơ iă ăn Kơdră tang măt Marc E. Knapper iŏk bơ̆ jang tơdrong jang kăl ‘nao tơ̆ Việt am; athei Kơdră tang măt Marc E. Knapper hơnơ̆ng tơgop kơtang păng tơdrong atŏk tơ iung tơgoăt tơgoăl ƀar tĕh đak păng bơ̆ jang jơnei lơ̆m bơ̆ jang tơ̆ Việt Nam.

Tơblơ̆ nơ̆r: Amazưt