Kơsơ̆ năr 21/10, tơ̆ Anih jang Trung ương Đảng, ƀok Tổng ƀĭ thư Nguyễn Phú Trọng hlôi xơng ƀok Tổng thư kĭ Liên hơp kuôk Antonio Guterez.

Ƀok Tổng ƀĭ thư Nguyễn Phú Trọng xơng ƀok Tổng thư kĭ Liên hơp kuôk

Ƀok Tổng ƀĭ thư Nguyễn Phú Trọng xơng ƀok Tổng thư kĭ Liên hơp kuôk Ƀok Tổng ƀĭ thư Nguyễn Phú Trọng hlôi atŭm hăm ƀok Tổng thư kĭ pơma đam găh hnưr erih, joh ayŏ kơ teh đak Việt Nam păng dôm tơdrong 'lơ̆ng hơ iă lơ̆m đon bơnôh kon bơngai Việt Nam; pơma đam găh dôm tơdrong đei jơnei tôm tong mă Việt Nam hlôi đei iŏk lơ̆m 35 xơnăm tơplih 'nao, dôm tơdrong đei jơnei kăp gĭt hlôi đei iŏk lơ̆m dôm xơnăm tơjê̆ âu lơ̆m tơjră hăm pơrang jĭ COVID-19, hơmet hơtŏk mŭk drăm hơtŏk pran, vei xơđơ̆ng pơyua ăn tơpôl. Ƀok Tổng ƀĭ thư xơkơ̆t, Việt Nam drơ̆ng minh pơm kiơ̆ trong jang tơbôl hiôk hian, rơngei jang tơbôl, hơtŏk tơ iung, jang lơ tơdrong tơbôl; jing teh đak vang jang tơnăp lơ̆m jơnŭm jang apŭng plenh teh.