VOV4.Bahnar - Bơ̆ jang kiơ̆ tơ drong tơ ƀâp bơ ngai tăh hla adrol kơ Hop akŏm mă 4 Kuô̆k hô̆i jăl 15, Tổng Bí thư Nguyễn Phú Trọng ‘nao đei jơ tơ ƀâp bơ ngai tăh hla tơ̆ 3 kuơ̆n Đống Đa, Ba Đình, Hai Bà Trưng, plt Hà Nội.

Tổng Bí thư Nguyễn Phú Trọng tơ ƀâp bơ ngai tăh hla pơ lei tơm (plt) Hà Nội

Đei lơ bơ ngai tăh hla tơ̆ 3 kuơ̆n tơ chĕng ‘lơ̆ng tơ drong jang đơ̆ng Anih pơ gơ̆r jang kơ Trung ương găh tang găn xa pơ jĭp, pơm glăi yoa Tổng Bí thư Nguyễn Phú Trọng chĕp kơ̆l, lơ̆m khei ‘năr âu ki hlôi pơ gơ̆r tho tơ ƀôh dôm anih jang tư phap dăr hơ len, tơ kêng, sek tơ lang lơ tơ drong yoch xa pơ jĭp, pơm glăi. Hơ dai hăm ‘nŏh, dôm anih jang kơ Kuô̆k hô̆i, Khul kơ dră tĕh đak kŭm pơ gơ̆r sek tơ lang, ki luơ̆t tôch tơ tom.

Dơ̆ng tang ăn Khul tang măt Kuô̆k hô̆i Hà Nội, Tổng Bí thư Nguyễn Phú Trọng mơ̆ng, chih răk rim nơ̆r pơ ma tơ gop tơ păt ‘lơ̆ng đơ̆ng bơ ngai tăh hla. Ƀlep ƀât ‘măng mă âu, Tổng Bí thư oei tơ ƀôh đon hơ pơi ‘mĕh Đảng ƀô̆, khul kơ dră pơ gơ̆r păng kon pơ lei tơ̆ anih tơm Hà Nội adrin jang tŏk mă pran hlŏh dơ̆ng, roi đunh roi đei anih dơ̆ng kơ jăp ‘lơ̆ng đơ̆ng Anih tơm tĕh đak Việt Nam, ưh jei kiơ kơ dôm anih tơm lơ̆m apŭng plenh tĕh.

VOV/Dơ̆ng tơ blơ̆