VOV4.Bahnar - Kơ sơ̆ ‘năr 11/10, Tổng Bí thư Nguyễn Phú Trọng, Bí thư Quân uỷ Trung ương hlôi tơ ƀơ̆p muh măt 80 ‘nu bơ ngai tang măt ăn 450 ‘nu bơ ngai tang măt kơ dôm anih jang lơ̆m khŭl linh vang truh Hop akŏm Khŭl hơ druh tơ dăm Cộng sản Hồ Chí Minh khŭl linh ‘măng mă 10 jăl jang 2022-2027.

Jơ tơ ƀơ̆p muh măt

Pơ ma dơ nuh hăm dôm bơ ngai tang măt, Tổng Bí thư Nguyễn Phú Trọng pôk pơ ư kơ dôm jơ nei đơ̆ng sơ năm mơ lôh lơ̆m khŭl linh hlôi iŏk đei lơ̆m dôm sơ năm âu ki, hơ dai hăm tơ lĕch ăn athei hăm hơ druh tơ dăm khŭl linh păng tơ drong jang hơ druh tơ dăm khŭl linh kăl athei hơ tŏk tơ iung pran kơ tang, kơ jăp ‘lơ̆ng hloh dơ̆ng.

Tổng Bí Thư phĭn rup tơ băt hăm dôm bơ ngai tang măt

Lơ̆m noh, kăl kơ akŏm hơ tŏk ‘lơ̆ng tơ drong jang pơ tho pơ hrăm chĭnh trĭ, đon tơ chĕng; pơ tho đon tơ chĕng kach mang, jơ hngơ̆m đon ‘lơ̆ng hơ iă ăn kơ hơ druh tơ dăm khŭl linh jăl jang 2015-2030, hơ nơ̆ng vei lăng pơ gơ̆r khŭl pran kơ jăp; hơ tŏk ‘lơ̆ng, đei yua jang hơ dai bơ̆ jang hăm anih jang khŭl tơ ring lơ̆m dôm tơ ring pơm anih khŭl linh oei, jang ‘lơ̆ng tơ drong jang krao hơ vơn kon pơ lei; pơ jing anih jang chĭnh trĭ, hơ met ming vei lăng sơ đơ̆ng teh đak, hơ tŏk tơ iung mŭk drăm, joh ayŏ tơ pôl tơ gop pơ jing tơ drong pơ vei 1 jơ hngơ̆m đon, linh kon pơ lei păng hơ met ming jơ hngơ̆m đon kơ jăp lơ̆m kon pơ lei.  

VOV/Thuem tơ blơ̆