VOV4.Bahnar - Jang kiơ̆ Tơ drong jang tơ ƀơ̆p pơ ma dơ nuh hăm bơ ngai tăh hla đơ̆ng rŏng ‘măng hop akŏm mă 3 Kuôk hô̆i 15, pơ gê ‘năr 23/6, Tổng Bí thư Nguyễn Phú Trọng kŭm hăm dôm bơ ngai tang măt Kuôk hô̆i găh Anih jang pôk pơ̆ih kơ sô̆ 1, Khŭl tang măt Kuôk hô̆i pơ lei tơm Hà Nội hlôi đei jơ tơ ƀơ̆p pơ ma dơ nuh hăm bơ ngai tăh hla dôm quận Ba Đình, Đống Đa păng Hai Bà Trưng.

Jơ tơ ƀơ̆p pơ ma dơ nuh đei pơ gơ̆r kiơ̆ trong kơ tă hơ dai hăm trực tuyến đơ̆ng hơ nih pơ dăh ti vi Anih vei lăng kon pơ lei quận Ba Đình truh 55 hơ nih pơ dăh ti vi lơ̆m 3 quận hăm tơ drong vang akŏm đơ̆ng hloh 1200 ‘nu bơ ngai tăh hla vă roi tơ băt pơ tôch ‘măng hop akŏm mă 3 păng tơl nơ̆r tơ gop, apĭnh đơ̆ng bơ ngai tăh hla. Tang măt dôm bơ ngai tăh hla Kuôk hô̆i anih pôk rơ̆ih kơ sô̆ 1, Tổng Bí thư Nguyễn Phú Trọng chih iŏk dôm nơ̆r tơ gop trŏ ƀlep, lăp hăm yan âu đơ̆ng lơ lap bơ ngai tăh hla. Tổng Bí thư Nguyễn Phú Trọng tơ băt dơ̆ng, ‘năr 30 truh gô pơ gơ̆r Hop akŏm pơ tôch 10 sơ năm tơ drong jang tang găn sa pơ jĭp vă pơ tôch iŏk đei tơ drong hlôh vao, tơ ƀôh ăn dôm ƀai hŏk vă jăl jang truh hơ nơ̆ng hơ tŏk dôm jơ nei hlôi iŏk đei.

Thuem: Tơ blơ̆