Pơma tơ̆ hop akŏm, Tổng Bí thư Nguyễn Phú Trọng akhan, hăm plei nuih ƀĕnh tơ drong tơnăp, hăm jơ hngâm đon rơgei, ‘mĕh hŏk iŏk lơ tơdrong păng đon hơpơi ‘mĕh tôch ai, druh dăm ling lang jing khul năm hơdrol mưh bơ̆ jang dôm tơdrong jang kăch mang. 

Tổng Bí thư Nguyễn Phú Trọng athei, rim anih jang Đoàn tơplih ‘nao păng hơtŏk hlŏh dơ̆ng tơdrong ‘lơ̆ng, đei yoa đơ̆ng tơdrong jang, trong pơgơ̆r bơ̆ jang đơ̆ng Khul druh dăm Cộng sản Hồ Chí Minh păng rim khul grŭp druh dăm, khul hơiŏh Việt Nam, năng ‘nâu jĭ tơdrong tơm hlŏh vă hơtŏk tơdrong ‘lơ̆ng đơ̆ng bơ̆ jang Đoàn, pơm lăp hăm tơdrong ‘mĕh vă lơ̆m chăl ‘nao, tơgop tơiung pơjing Đảng păng anih jang chinh trĭ, hơtŏk tơdrong tơguăt đĭ đăng kon pơlei păng vei kơjăp chăl chĕp kơ̆l pơgơ̆r xã hội chủ nghĩa.