VOV.Bahnar - Pơ gê ‘năr 18/7, Tổng Bí thư Nguyễn Phú Trọng vang truh păng iung pơ ma tơ̆ lêh tơ băt 60 sơ năm Năr pơ jing tơ drong pơ vei jang tơ bôl (5/9), 45 sơ năm Năr kĭ Tơ chơ̆t jang tơ bôl păng jang hơ dai Việt Nam - Lào (18/7), sơ năm tơ goăt 1 jơ hngơ̆m đon Việt Nam - Lào, Lào - Việt Nam 2022 đei pơ gơ̆r tih tơ̆ Anih tơm Hà Nội.

Vang truh akŏm đei dôm kơ dră chĕp kơ̆l, kơ dră so chĕp kăl Đảng, teh đak păng ƀok Bounthong Chitmany, Bơ ngai jang lơ̆m Anih tơm Chĭnh trĭ, Chĕp kơ̆l pơ gơ̆r Ban Bí thư Đảng Kon pơ lei Kach mang Lào, Phŏ Kơ dră teh đak Cộng hoà dân chủ nhân dân Lào chĕp kơ̆l Khŭl bơ ngai tang măt kơ pal kơ Đảng, teh đak Lào năm truh jơ pơm lêh. Pơ ma tơ̆ jơ pơm lêh, Tổng Bí thư Nguyễn Phú Trọng pơ ma hơ dăh 2 teh đak tơ jê̆, vang nhă hơ dai đak krong Mê Công, vang gơ ning rŏng lơ̆m kông Trường Sơn ‘lơ̆ng rŏ, Việt Nam păng Lào đei tơ drong joăt joe tơ klep hơ dai hăm băl lơ̆m prăt jơ hnơr arih tơ iung teh đak păng vei teh đak đơ̆ng 2 hơ drĕch hơ drŭng.

2 Đảng, 2 teh đak păng kon pơ lei 2 teh đak roi kăl kơ athei 1 jơ hngơ̆m đon, tơ klep hơ dai, hơ tŏk jang hơ dai hloh dơ̆ng vă vang yak hloh rim tơ drong mơ mat tat, hơ nơ̆ng vei kơ jăp tơ drong hơ găt rơ ngei hiôk hian hơ drĕch hơ drŭng păng chủ nghĩa xã hội; vang hơ dai băl jang đĭ jơ hngơ̆m bơ̆n vă vei lăng păng ưh kơ pơ dơh hơ tŏk ‘lơ̆ng tơ drong pơ vei jang tơ bôl pran kơ tang, tơ goăt 1 jơ hngơ̆m đon gĭt kăl păng jang hơ dai tôm tơ drong Việt Nam -Lào.

Thuem: Tơ blơ̆