Tổng Bí thư Nguyễn Phú Trọng athei, rim kơdră Đoan tơplih ‘nao păng hơtŏk ‘lơ̆ng hloh dơ̆ng, đei yua tơdrong jang, trong bơ̆jang đơ̆ng Đoan hơdruh tơdăh Cộng sản Hồ Chí Minh păng rim khŭl jang hơdruh tơdăm, păh iung Việt Nam, lăng ‘noh jĭ tơdrong tơm vă hơtŏk ‘lơ̆ng tơdrong bơ̆jang đơ̆ng Đoan, pơm lăp hăm ‘meh vă đơ̆ng tơdrong ‘nao, tơgop pơjing Đảng păng tơdrong chĭnh trĭ, hơtŏk loi dơ̆ng grŭp tơgoăt tơgoăl đĭ đăng kon pơlei păng vei lăng tơdrong jang xã hội chủ nghĩa. Lơ̆m noh, iŏk ‘meh vă, hơpơi ‘meh trŏ ƀlep, trŏ luơ̆t đơ̆ng hơdruh tơdăm pơm tơdrong tơm.

Mă loi ‘noh, bơngơ̆t truh hơtŏk tơiung bơngai jang mơlôh, mă loi ‘noh bơngai jang hơgei ‘lơ̆ng; tơƀoh trong ăn hơdruh tơdăm hŏk pơhrăm păng chă hŏk pơhrăm kơ dih prăt jơhnơr arih, hơdrin păng pơhrăm găh rim tơdrong, yak tŏk pơm tơ ‘ngla khoa hŏk păng kơmăy kơmŏk hơgei, trong jang vei lăng ‘nao. Hơdai hăm ‘noh, kŭm kăl kơ tŭn pran dôm tơdrong jang bơ̆ jang kach mạng, hơtŏk hơnăp jang iung jang hơdrol, hơgei đơ̆ng sơnăm mơ lôh.