Tổng Bí thư pơma hơdăh khŭl lĭnh Kanh sat đak dơsĭ Tơring 4 hlôi tơƀôh hơdăh hơnăp jang ‘noh jĭ khŭl lĭnh kon pơlei, khŭl lĭnh joăt jang kơ teh đak, tơm dơnơm pơm kiơ̆ khôi luơ̆t păng vei lăng sơđơ̆ng tơ̆ đak dơsĭ.

Tơ̆ hơnăp athei ‘nao roi ‘năr roi lơ lơ̆m vei lăng tơdrong pơm tơm, tơdrong gơh jang păng tơdrong  gơh sek tơlang kơ teh đak, Tổng Bí thư athei khŭl lĭnh kanh sat đak dơsĭ akŏm bơ̆jang kiơ̆ 4 hơnăp jang tơm, lơ̆m noh pơma hơdăh tơdrong vei kơjăp gĭt kăl tơdrong jang, trong jang khŭl lĭnh đơ̆ng Đảng; lăng kăl pơtho pơhrăm chĭnh trĭ, đon tơchĕng; pơjing jơhngơ̆m đon nuih păng hơdrin ăn kang ƀô̆, khŭl lĭnh; vei kơjăp ‘lơ̆ng găh trong jang, pơgơ̆r păng jơhngơ̆m đon ‘lơ̆ng; mĭnh jơhngơ̆m đon hăm Đảng, Teh đak, Kon pơlei; yak hloh mơmat tat; ling lang jang đang hơgei hloh rim hơnăp jang đei pơjao.