Tang măt ăn dôm kơdră chĕp kơ̆l Đảng, Teh đak hơpăh Mê đai Hồ Chí Minh ăn Khul linh Công binh, Tổng Bí thư Tô Lâm pơma hơdăh, jơhnơr arih kơ Ƀô đô̆i Công binh jĭ chăl arih đơ̆ng dôm hơyak jơ̆ng pơih trong ăn tơdrong tơblăh jơnei; jĭ chăl arih kơtang nuih mơng, đei ki luơ̆t tôch kơjăp păng jơhngâm đon iung tơblăh ưh kơ đei kơdŭn tơ̆ rŏng, atŭm hăm hơiă hăm dôm tơdrong jơnei, iŏk đei tôch ‘lơ̆ng đơ̆ng Khul linh Công binh.

Tơ̆ hơnăp kơnh, vă jang đang ‘lơ̆ng hơnăp jang “hơyăt yơ kŭm tơblăh đei”, Tổng Bí thư athei, Khul linh Công binh akŏm jơhngâm bơ̆ jang mă ‘lơ̆ng 5 tơdrong jang tơm, lơ̆m noh athei hơnơ̆ng hlôh vao kơjăp đon tơchĕng, trong jang đơ̆ng khul linh, vei sơđơ̆ng teh đak đơ̆ng Đảng; băt hơdăh đon tơchĕng ‘nao găh tơdrong vei lăng  teh đak; hlôh vao kơjăp Tơdrong tơchơ̆t đơ̆ng Trung ương 8 jăl XIII, Tơdrong tơchơ̆t đơ̆ng Hop akŏm mă XIV kơ Đảng, Tơdrong tơchơ̆t đơ̆ng Hop akom Đảng ƀô̆ Khul linh ‘măng mă XII păng dôm trong jang gĭt kăl đơ̆ng Quân ủy Trung ương, Anih tơm vei lăng khul linh teh đak.