Pơma pơgơ̆r pơih blŭng, Tổng Bí thư pơma hơdăh apŭng plĕnh teh tŏk bŏk tơplih hrĕnh tam mă byơh đei đơ̆ng kơmăy gơh hơgei, chih răk lơ, kơmăy kơmŏk sinh hŏk, ŭnh hơyuh rơgoh, tơmam pơm ‘nao. Việt Nam athei lăng khoa hŏk - kơmăy kơmŏk, tơplih ‘nao pơcheh hơgei păng tơplih kơsô̆ ‘noh jĭ tơdrong ‘lơ̆ng vă tơplih ‘nao tơdrong jang hơtŏk tơiung.

Tổng Bí thư athei jăh tơtĕnh tơlĕch jang Tơdrong bơ̆ jang hơtŏk tơiung 11 kơmăy kơmŏk gĭt kăl kiơ̆ tơdrong Tơchơ̆t 57, mă loi ‘noh jĭ dôm tơdrong jang bán dẫn, AI, chih răk tih, sơđơ̆ng mạng, kơsô̆ hơnăn, kơmăy kơmŏk sinh hŏk, tơmam pơm ‘nao, ŭnh hơyuh ‘nao, điên tư, rô ƀôt. Dôm hnam trưng đăi hŏk, anih jang tơchĕng hơlen kăl kơ tŭn pran pơtho kơmăy kơmŏk, tơgŭm grŭp tơchĕng hơlen pơjing anih mơdro sa, tĕch mơdro ‘lơ̆ng tơmam vă pơjing chăl anih mơdro sa kơmăy kơmŏk jang tŏk hrĕnh, tơgop hơnhăk Việt Nam hơtŏk tơiung pran kơtang lơ̆m chăl kơsô̆.