Tơ̆ xăh Quảng Điền (pơlei tơm Huế) Tổng Bí thư hlôi năm ngôi apĭnh jet gia păng tơgŭm gĭt kăl tơ̆ hơnăp dôm tơdrong hiong răm, ơh sơ ‘ngon yua đơ̆ng ‘mi tih pơm ăn păng ‘meh kon pơlei yak hloh pơmat tat, jăh sơđơ̆ng tơdrong hơrih sa.

Tổng Bí thư pơma hơdăh, Đảng, Teh đak, rim khŭl grŭp, tơpôl păng kon pơlei lơ̆m teh đak hlôi ling lang lăng găh Tơring tŏk bŏk păng pơlei tơm Huế hăm jơhngơ̆m đon “hla ‘lơ̆ng bơ̆ng hla hiah”, tơtom tơgŭm, pơdŏng pơmat tat hăm kon pơlei tơring đak lơ̆p. ‘Măng âu, Tổng Bí thư Tô Lâm hlôi pơjao asong tơgŭm 100 ti hlak jên păng 200 tấn phe ăn Đảng bộ, khŭl kơdră păng kon pơlei pơlei tơm Huế.