‘Nâu jĭ 1 lơ̆m dôm anih ‘măn răk tơmam khul linh tih hlŏh păng đunh hlŏh tơ̆ Việt Nam, hăm hơnăp jang tôch gĭt kăl vă chĕp vei păng tưk tơiung dôm kơjă kăp gĭt lơ̆m jơhnơr arih kơ khul linh đơ̆ng hơdrĕch hơdrung bơ̆n. Đơ̆ng sơnăm 2020, Anih tơm vei lăng khul linh teh đak tơlĕch trong man Anih ‘măn răk tơmam Jơhnơr arih kơ khul linh Việt Nam ‘nao lơ̆m hơgăt teh xă vă jê̆ 39 ha tơ̆ quận Nam Từ Liêm, Hà Nội; truh dang ei hlôi man đang jăl 1 păng pơtơm pơih ‘măng sơng tơmoi truh lăng.

Pơma tơ̆ jơ bơ̆ jang, Tổng Bí thư tơƀôh đon hơiă găh Anih ‘măn răk hăm lơ tơmam, tơƀôh hơdăh tơdrong tih vơ̆ đơ̆ng khul linh kon pơlei Việt Nam kơtang nuih mơng. Pơma hơdăh, ‘nâu jĭ anih gĭt kăl vă hŏk pơhrăm, tơchĕng hơlen lơ̆m khei ‘năr vei lăng teh đak tôch kơtang đơ̆ng chăl yă ƀok sơ̆, mă loi jĭ dôm nơ̆r pơtho tôch rơgei đơ̆ng Đảng bơ̆n lơ̆m rim khei ‘năr jang tŏk kơ teh đak, Tổng Bí thư oei athei dôm Anih tơm, anih jang kơpal, tơring tơrang păng plt Hà Nội hơnơ̆ng pơjing tơdrong ‘lơ̆ng ăn Anih tơm vei lăng khul linh teh đak jăh jang đang dôm anih oei đei dơ̆ng lơ̆m jăl jang mă 2 kơ anih ‘măn răk âu.