Lơ̆m ‘măng năm ngôi, Tổng Bí thư Tô Lâm vă pơgơ̆r hơdai Tơdrong tơƀâp tih đơ̆ng Đảng Cộng sản Việt Nam păng Đảng Kon pơlei kăch mang Lào đơ̆ng ‘năr 01 truh 02/12/2025, kiơ̆ nơ̆r krao hơvơn đơ̆ng Tổng Bí thư Khul kơdră chĕp kơ̆l Trung ương Đảng Kon pơlei kăch mang Lào, Kơdră teh đak Cộng hòa Dân chủ Nhân dân Lào Thongloun Sisoulith păng hơkăn ƀok. 

‘Măng năm bơ̆ jang đơ̆ng Tổng bí thư mă âu vă pơjing jơhngâm pran ‘nao ăn tơdrong jang hơdoi gĭt kăl  đơ̆ng 2 teh đak lơ̆m rim tơdrong. ‘Nâu jĭ 1 lơ̆m dôm tơdrong jang tơbôl gĭt kăl đơ̆ng Việt Nam lơ̆m sơnăm ‘nâu păng jiong ‘măng năm ngôi tih mă blŭng truh tơ̆ Lào đơ̆ng Tổng Bí thư Tô Lâm hăm kơchư̆k ‘nao. ‘Măng năm ngôi ưh lăp tơƀôh hơdăh trong jang ưh đei tơplih đơ̆ng Việt Nam hơnơ̆ng pơ ‘nhŏ hơdrol hlŏh ăn tơdrong pơgĭt gĭt kăl, tơguăt 1 ƀơ̆r đon tôch ‘lơ̆ng, jang hơdoi tôm tơdrong hăm Lào, mă oei tơƀôh hơdăh đon pơnhŏng đơ̆ng Việt Nam kŭm hăm Lào pơjing trong jang ‘nao, hơnhăk tơdrong pơvei kơ 2 teh đak tŏk pran hlŏh dơ̆ng hăm đon lui chinh trĭ roi kơjung ƀiơ̆, pơjing đei lơ hơyak tŏk pran ‘lơ̆ng păng tưk tơiung pran kơjăp, đei yoa hơmet pơ ‘lơ̆ng ăn tơdrong pơvei đơ̆ng 2 teh đak lơ̆m chăl ‘nao.