Dôm sơnăm âu ki, tơdrong pơvei Việt Nam – Phần Lan tŏk pran ‘lơ̆ng, Phần Lan ling lang năng Việt Nam jĭ teh đak jang hơdoi tơm hlŏh tơ̆ Đông Nam Á. ‘Măng năm ngôi mă âu tơbăt hơdăh khei ‘năr gĭt kăl, tơƀôh hơdăh đon lui chinh trĭ păng pơih xă chăl jang hơdoi ‘nao đơ̆ng 2 teh đak.

Việt Nam păng Phần Lan hơnơ̆ng hơmet kơjăp tơdrong jang hơdoi lơ̆m dôm tơdrong jang hơdoi so nhen pơtho pơhrăm, jang khoa hŏk – kơmăy kơmŏk, cham char, choh jang xa; atŭm hăm ‘nŏh pơih xă truh dôm tơdrong jang ‘nao đei tơplih hăm kơmăy sô̆, unh hơyuh rơgoh, mŭk drăm jang hơdoi ‘lơ̆ng. ‘Nâu jĭ dôm trong yak lăp ‘lơ̆ng hăm trong vă atŏk tơiung tơdrong jang hơdai pran kơjăp, hơnhăk ba tơdrong đei yoa ‘lơ̆ng ăn kon pơlei 2 teh đak păng vang tơgop ăn tơdrong rơngei, jang hơdoi, jang tŏk tơ̆ tơring kŭm nhen lơ̆m apŭng plenh teh.