'Măng năm tơmang đơ̆ng Tổng Bí thư Tô Lâm truh Bulgaria hơ-'nhăk đon bơnôh kăp gĭt păng tơdrong tơgĭt đơ̆ng Đảng, Teh đak păng kon pơlei Việt Nam 'măn ăn bôl buăl juăt jue hlôi đei lơ tơdrong tơgŭm, tơgop kăp gĭt hăm tơdrong iung tơjră vă vei lăng Teh đak hơdrol ki păng tơdrong pơjing păng hơtŏk tơ-iung teh đak hrei ou kơ Việt Nam.

'Măng năm tơmang adoi jing trong hiôk vă Việt Nam pơih să tơring jang hơdoi 'nao hăm Bulgaria pơma hơdrô̆ păng rim teh đak lơ̆m tơring Balkan pơma atŭm.