Kiơ̆ tơroi ah tơdrong hop akŏm, pơm kiơ̆ Tơchơ̆t 55 đơ̆ng Ban Bí thư, Hơnih tơm Chinh trĭ, Ban Bí thư, Jơnŭm pơgơ̆r teh đak kơchăng pơgơ̆r hrôih tơdrong pơgơ̆r Têt Bính Ngọ sơnăm 2026 păng hơnơ̆ng pơgơ̆r tơdrong pơm kiơ̆. Tơchơ̆t pơtôch hop akŏm, Tổng Bí thư Tô Lâm bơnê kơ sơnong jang tơnăp đơ̆ng dôm jăl jang, hơnih jang Đảng, jơnŭm pơgơ̆r tơring, Măt trâ̆n tôh kuôk, khul linh, khul kang ƀô̆ bơngai jang hlôi pơgơ̆r jang kiơ̆ tơnăp tơdrong pơgơ̆r đơ̆ng Ban Bí thư, vei sơđơ̆ng ăn kon pơlei sơng Têt sô̆ hơ-iă, tơnŏ, sơđơ̆ng, pơjing đei tơdrong 'lơ̆ng yak mơ̆t lơ̆m sơnăm 'nao.

Mă lei, sơnong jang tơ̆ hơnăp noh trăp trĭn hloh, Tổng Bí thư pơgơ̆r hăm tôm hơnih jang chinh trĭ athei iung jang hloi tơdrong pơkăp jang. Lơ̆m jăl 1 sơnăm ou. Tổng Bí thư akhan, athei keh đang tơdrong chih akŏm, hơmet Tơdrong jang pơm kiơ̆ Tơchơ̆t Hop akŏm 14 lơ̆m tôm Đảng; pơgơ̆r keh kong tơdrong pôk rơih bơngai tang măt ăn Kuô̆k hô̆i jăl 16, Hô̆i đŏng kon pơlei jăl jang 2026 -2031 ah năr 15/3 ou kơnh.