Klưh yom pơjao Mê đai Pơm jang tăl Mônh ăn Jơnŭm jang đe Drăkăn Việt Nam, Tổng Bí thư Tô Lâm sơkơ̆t hơdah, đe drăkăn Việt Nam hơnơ̆ng jing anih gơnơm kơ unh hnam, jing anih kơjăp, anih dơnơm kơ tơdrong tơguăt tơguăl păng đon băt 'mêm lơ̆m tơpôl.

Akhan, Hop akŏm Pơlong jang 'mêm kơ teh đak 'măng mă 5 kơ Jơnŭm jang jĭ 'măng kăp gĭt vă sơkơ̆t hơdah, pôk bơnê păng pơih minh jăl pơlong jang 'nao kăp gĭt hloh, păng hơpơi 'meh Jơnŭm jang “Hơpôm nhen Khei Pơnil”, Tổng Bí thư pơih 10 trong jang dơnơm nhen dôm “pơkăp kơtang jang đei jơnei” vă Jơnŭm jang chă hơlen, pơm jang lơ̆m khei năr truh, lơ̆m noh athei pơkăp bơngai drăkăn Việt Nam ah chăl 'nao: 'Mêm kơ teh đak – Jang pơyua kơdih – Đon kuăt hơmah – Kơ̆l 'ngok hơgei – Hơbĕch hơbal – Jang Tơnăp – Kơmăi kơsô̆ - Pơkăp Jơk; hơtŏk tơdrong jang “Pơjing unh hnam 5 ưh, 3 rơgoh” jing “5 ưh, 3 rơgoh, 3 sơđơ̆ng hơnơ̆ng pơyua”.