Pơma ah jơ pơm jang, Tổng Bí thư Tô Lâm akhan, khei năr truh dêh char An Giang athei jang tơnăp tơdrong pơ-'lơ̆ng Hơnih jang Đảng păng hơnih jang chĭnh trĭ rơgoh 'lơ̆ng, pran kơtang; vei sơđơ̆ng tơdrong tơguăt tơguăl, trŏ tơchơ̆t vă pơm trong ăn hơtŏk tơ-iung; hơtŏk vei sơđơ̆ng tơpôl, jang tơbôl, vei sơđơ̆ng tôm tơdrong ăn minh tơring sơlam, achon đak dơsĭ đei anih tơm dơnơm.

Tơchơ̆t “hơtŏk khua hŏk kơmăi kơmŏk 'nao, tơplih 'nao gơh hơgei păng tơplih kơmăi kơsô̆” athei đei jang hăm dôm tơdrong jang hơdah kăp gĭt, lăng ou jĭ tơdrong tơm vă hơtŏk tơ-iung kơ dêh char An Giang. Atŭm hăm noh, dêh char athei hơvơn păng iŏk yua tơnăp rim tơdrong pran, mă kăl noh đơ̆ng rim anih jang mŭk drăm tơ-'ngla pơm tơm păng jang hơdoi lơ̆m apŭng plenh teh, vă hơtŏk tơ-iung tenh kuăng păng kơjăp sơđơ̆ng.