Tổng Bí thư Tô Lâm ăn tơbăt, kiơ̆ tơdrong pơkăp jang, Khul dăr Hơlen kơsô̆ 10 pơm jang hăm Hơnih jang Thanh uy Hà Nội gah 3 tơdrong: hơlen tơroi gah tơdrong dăr lăng 'măng mă 1 gah tơdrong pơgơ̆r jang lơ̆m pơm kiơ̆ Tơchơ̆t Hop akŏm mă 14 kơ Đảng, Tơchơ̆t Hop akŏm Đảng ƀô̆ pơlei tơm, mă kăl noh dôm tơdrong jang lơ̆m tôm jăl jang; tơdrong jang pôk rơih Kuô̆k hô̆i jăl 16 păng Hô̆i đŏng kon pơlei dôm jăl jang sơnăm 2026 – 2031; sơkơ̆t mă blŭng gah tơdrong pơm kiơ̆ tơchơ̆t hơtŏk 2 kơsô̆, tơdrong jang kơ jơnŭm pơgơ̆r tơring 2 tăl păng tơlĕch jang kiơ̆ Tơchơ̆t 57 gah hơtŏk khua hŏk, trong jang 'nao, tơplih 'nao gơh hơgei.

Tổng Bí thư ră hơdah, ah Hop akŏm gô pơtôch 'măng mă 1; atŭm hăm noh băt hơdah tơdrong sơkơ̆t pơtôch đơ̆ng Hơnih jang Chinh trĭ gah sơkơ̆t pơtôch atŭm gah tơdrong hơlen 'măng mă  1 lơ̆m jơ̆p teh đak păng dôm sơnong jang kăl akŏm pơgơ̆r lơ̆m khei năr truh; kiơ̆ đơ̆ng noh tơdrong hơmet pơkăp dăr lăng 'măng mă 2.