Tơ̆ pơma đam, Tổng Bí thư Tô Lâm lui ngeh hăm tơdrong pơgơ̆r jang đơ̆ng Thủ tướng Keir Starmer, Anh gô pơtoi hơtŏk pran kơtang, tơgop kăp gĭt ăn tơdrong rơngei hiôk hian, jang hơdoi păng hơtŏk tơ-iung kơjăp sơđơ̆ng lơ̆m apŭng plenh teh. Ƀar ƀok kơdră drơ̆ng nơ̆r tơlĕch tơchơ̆t hơtŏk tơmam drăm tĕch răt tŏk 2 'măng lơ̆m khei năr truh.

Thủ tướng Anh hơpơi 'meh Việt Nam tơgŭm dôm tơdrong jang hơdoi gah tĕch pơdro kiơ̆ pơkăp điê̆n tưh, jang gah jên hu lơ̆m Tơchơ̆t jang Hơdoi tôm tơdrong păng Hơtŏk tơ-iung Thái Bình Dương (CPTPP). Pơtôch tơdrong pơma đam, 2 ƀok kơdră hlôi tơlĕch tơchơ̆t atŭm hăm tơdrong mă 2 pah hơtŏk tơdrong jang tơbôl Việt Nam - Anh jing jang Hơdoi kăp gĭt tôm tơdrong jang.