Tơ̆ jơ pơma đam, ƀar ƀok kơdră hlôi pơma đam gah tơdrong đei ƀôh tơ̆ rim teh đak, tơdrong jang tơbôl Việt Nam - Triều Tiên păng dôm tơdrong ddei ƀôh lơ̆m apŭng plenh teh, lơ̆m tơring mă 2 pah atŭm tơrĕk truh. Ƀar pah drơ̆ng nơ̆r asong khul kơpal năm hơpeh hơpong dih băl kiơ̆ jơnŭm jang Đảng, Jơnŭm pơgơ̆r teh đak, Kuôk hô̆i, jang hơdoi lơ̆m tơring vă tơroi tơdrong hlôh vao hăm dih băl, hơmet đon lui gah chinh trĭ păng hlôh vao hăm dih băl; pơtoi tơnăp dôm tơdrong jang hơdoi păng tơbôl, hơlen tơdrong gơh jang hơdoi lơ̆m lơ tơdrong jang trŏ ƀlep; hơtŏk kơtang tơdrong hơpeh hơpong kon pơlei, kơhret tơdrong tơbôl kơ 2 teh đak.

Tổng Bí thư, Kơdră teh đak Kim Jong Un sơkơ̆t hơdah, Triều Tiên hơpơi 'meh jang hơdoi kơjăp hăm Việt Nam lơ̆m pơ-'lơ̆ng Đảng păng hơtŏk tơ-iung teh đak, kơchăng hơtŏk jang hơdoi lơ̆m lơ tơdrong jang. Ƀar ƀok kơdră hlôi pơma đam, tơgŭm dih băl păng atŭm pơgơ̆r dôm tơdrong hop akŏm lơ pang nhen Liên hơp kuôk, Hop akŏm kơ tơring ASEAN