Lơ̆m jơ năr năm ngôi, Tổng Bí thư Tô Lâm hlôi đei jơ pơma đam hăm Tổng Bí thư, Kơdră teh đak Lào Thongloun Sisoulith; pơma dơnuh hăm Thủ tướng Sonexay Siphandone, Kơdră Quốc hội Saysomphone Phomvihane; năm ngôi tơ̆ dôm kơdră chĕp kơ̆l gĭt kăl so kơ teh đak Lào; vang truh pơm Lêh tơbăt 50 sơnăm Quốc khánh; dan kơvang pơkao tơ̆ Hơnih soi tơbăt kơ rim khŭl lĭnh ưh kơ băt hơnăn; pơma trong jang tơgŭm tơ̆ Học viện Chính trị păng Hành chính Teh đak Lào; vang truh pơm lêh et hơtŏk Cham ngôi pơhiơ̆ Tơbôl Lào - Việt Nam păng 1,2 tơdrong jang nai; vang pơgơ̆r ‘Măng tơƀơ̆p Kơdră kơpal kơ Đảng Cộng sản Việt Nam păng Đảng Nhân dân Cách mạng Lào.

Ƀlep ƀơ̆t ‘măng năm ngôi, 2 păh hlôi kĭ 1,2 hla ar jang hơdai gĭt kăl, pơm tơdrong ‘lơ̆ng trŏ luơ̆t, pơih ăn dôm trong vă jang hơdai ‘nao, lăp hăm ‘meh vă hơtŏk tơiung đơ̆ng 2 teh đak păng đei yua hơdai đơ̆ng 2 hơdrĕch hơdrŭng, hơnơ̆ng pơm ‘lơ̆ng hloh tơdrong pơvei gĭt kăl Việt Nam - Lào lơ̆m tơdrong ‘nao.