Tơ̆ jơ sơng, Tổng Bí thư Tô Lâm pơma hơdăh tơdrong gĭt kăl hloh đơ̆ng ŭnh hơyuh hăm tơdrong tơm hơtŏk tơiung pran kơ Việt Nam, athei GE Vernova hơnơ̆ng hơtŏk tơmam ‘lơ̆ng păng tơdrong hlôh vao, pơtrŭt jang hơdai jrŭ să hloh dơ̆ng hăm Việt Nam lơ̆m rim tơdrong jang anih jang kăl, kơmăy kơmŏk păng bơngai jang găh ŭnh hơyuh, jĭ anih jang hơdai gĭt kăl kơ Việt Nam lơ̆m tơlĕch jang tơdrong Tơchơ̆t 70 đơ̆ng Anih tơm Chĭnh trĭ găh vei sơđơ̆ng ŭnh hơyuh teh đak truh sơnăm 2030, trĕng lăng truh sơnăm 2045.

Kơdră chĕp kơ̆l Grŭp jang GE Vernova Strazik pơma hơdăh grŭp jang ling lang jing gơng tơƀưh đơ̆ng anih mơdro sa păng khŭl kơdră chĕp kơ̆l 2 teh đak, vang yak hơdai hăm Việt Nam ưh khan lăp lơ̆m tơdrong vei sơđơ̆ng ŭnh hơyuh, mă pơđĭ hloi tơdrong tơlĕch jang dôm tơdrong hơgăt hơtŏk tơiung mŭk drăm - tơpôl kơ Việt Nam.