Tơ̆ jơ sơng, Tổng Bí thư Tô Lâm pơma hơdăh Việt Nam gô ling lang jang hơdai hăm Cuba hơnơ̆ng vei kơjăp tơdrong pơvei ‘nhŏng oh ‘lơ̆ng hơiă, pôm ƀơ̆r đon hơdai, mĭnh jơhngơ̆m đơ̆ng Đảng, teh đak păng kon pơlei 2 teh đak. Tổng Bí thư Tô Lâm athei Quốc hội Cuba hơnơ̆ng tơgŭm tơdrong pơvei jang hơdai, tơmơ̆t jên jang găh mŭk drăm - tĕch mơdro - tơmơ̆t jên jang, pơm tơdrong hiôk ‘lơ̆ng ăn rim tơdrong jang choh jang sa, ŭnh hơyuh rơgoh, kơmăy kơmŏk rơgoh - pơgang, pơvih pơvăn ‘lơ̆ng ăn tơdrong jang hơtŏk tơiung kơ pơđĭ 2 teh đak.

Hơdai hăm ‘noh, athei 2 păh jang hơdai hơtŏk loi dơ̆ng pơma dơnuh lĭ luơ̆n păng tơdrong hlôh vao yan âu, mă loi ‘noh jĭ lơ̆m khei ‘năr Việt Nam pơgơ̆r Hop akŏm Đảng lơ̆m teh đak ‘măng mă XIV păng Cuba pơgơ̆r Hop akŏm Đảng lơ̆m teh đak ‘măng mă IX lơ̆m sơnăm 2026.