Tơ̆ jơ tơƀâp, Tổng Bí thư Tô Lâm tơchĕng ‘lơ̆ng dôm tơdrong iŏk đei lơ̆m ‘măng pơma đam đơ̆ng Ƀok Kơdră Pete Hegseth păng Kơdră tơm vei lăng khul linh teh đak Việt Nam Phan Văn Giang, pơma hơdăh tơdrong jang hơdoi găh khul linh đơ̆ng 2 teh đak hlôi păng tŏk bŏk jing 1 lơ̆m dôm tơdrong jang gĭt kăl lơ̆m tơdrong pơvei 2 pang.

Tổng Bí thư hơpơi ‘mĕh 2 păh hơnpơ̆ng hơtŏk tơdrong jang hơdoi găh khul linh roi đei yoa, ‘moi kiơ̆ tơdrong năng kăl tơdrong pơm tơm, kơjăp ‘lơ̆ng kơ teh đak, dôm tơdrong hơgăt jang tơbôl păng khul linh đơ̆ng Việt Nam, vang tơgop pơm hơtŏk đon lui păng vei kơjăp tơdrong rơngei, sơđơ̆ng ‘lơ̆ng tơ̆ tơring. 2 păh oei drơ̆ng nơ̆r akhan, vă hơnơ̆ng pơgơ̆r ăn khul jang tơih tơƀâp, pơma nuh hăm băl đơ̆ng dôm anih jang kơ pal đơ̆ng 2 teh đak, mă loi ‘nŏh đơ̆ng Anih tơm vei lăng khul linh Việt Nam păng Anih tơm vei lăng khul linh tơblăh kơ teh đak Mi, tơdrong tôch gĭt kăl vă hơmet kơjăp đon lui păng pơm pơ ‘lơ̆ng hlŏh dơ̆ng tơdrong pơvei jang hơdoi gĭt kăl tôm tơdrong Việt Nam-Mi, vang tơgop ăn tơdrong rơngei, sơđơ̆ng, jang hơdoi păng jang tŏk tơ̆ tơring păng lơ̆m apŭng plenh teh.