Tơ̆ jơ sơng, Tổng Bí thư Tô Lâm pơma hơdăh, Slovakia ling lang jĭ boăl juăt 1 jơhngâm đon, tôch ‘lơ̆ng hăm Việt Nam; bơnê Khul kơdră teh đak păng kon pơlei Slovakia hơnơ̆ng tơgŭm, mĭnh jơhngâm đon hăm kon pơlei Việt Nam lơ̆m 75 sơnăm âu ki. Tổng Bí thư Tô Lâm athei 2 păh hơtŏk hlŏh dơ̆ng tơdrong jang hơdoi găh kơmăy kơmŏk khul linh, pơtho pơhrăm khul linh, vei kơjăp tơdrong rơngei…

Tổng Bí thư Tô Lâm athei vei kơjăp tơdrong pơgơ̆r ăn khul grŭp jang tih tơƀâp băl; atŭm hơtŏk tơdrong đei yoa đơ̆ng dôm trong jang hơdoi vă tưk tơiung tơdrong pơvei 2 pang tŏk pran ‘lơ̆ng, đei yoa, kơjăp ‘lơ̆ng lơ̆m rim tơdrong; pơjing tơdrong ‘lơ̆ng vă dôm anih tơm, anih jang kơpal păng anih tĕch mơdro kơ 2 teh đak pơih xă tơdrong jang hơdoi, hơnhăk mŭk drăm păng khoa hŏk kơmăy kơmŏk jing tơdrong jang tơm lơ̆m tơdrong pơvei 2 pang, hơtŏk hlŏh dơ̆ng tơdrong jang hơdoi găh jŏh ayŏ kơ dŏ xoang, pơtho pơhrăm, chă tơmang lăng păng pơvei ăn kon pơlei.