Tơ̆ jơ sơng, Tổng Bí thư Tô Lâm ră hơdah, Đảng, Teh đak Việt Nam hơnơ̆ng lăng tơgĭt hơtŏk tơbôl hăm teh đak Anh, hơpơi 'meh 2 pah iŏk yua dôm tơdrong jang hơdoi hlôi đei jơnei, pơtoi hơtŏk kăp gĭt tơdrong jang tơbôl 2 pah, vă hơtŏk tơdrong jang hơdoi kơ 2 teh đak tŏk minh jăl kơjung hloh, kơyuơ tơdrong pơyua kơ kon pơlei 2 teh đak păng tơchơ̆t hơtŏk tơ-iung kơ rim teh đak, tơgop ăn tơdrong rơngei, sơđơ̆ng, jang hơdoi păng hơtŏk tơ-iung kơjăp tơ̆ tơring păng lơ̆m apŭng plenh teh.

Lơ̆m khei năr truh, vă pơtoi hơtŏk hloh dơ̆ng tơdrong jang tơbôl kơ 2 Đảng, Tổng Bí thư Tô Lâm pơtruh nơ̆r, 2 pah hơlen lăng tơdrong gơh jang vă tơroi tơbăt gah tơdrong jang kơ rim Đảng hăm dôm tơdrong đei ƀôh lơ̆m tơring, apŭng plenh teh păng dôm tơdrong mă 2 pah atŭm tơrĕk truh.