Tổng Bí thư tơƀôh đon hơiă tơ̆ hơnăp jơhngâm đon rơgei, pơ̆n tơchĕng, pơ̆n jang đơ̆ng kon pơlei jang chŭn mir Việt Nam, vang tơgop pơm hơtŏk hơnăn tơmam đơ̆ng choh jang xa kơ teh đak; pơma hơdăh, bơngai jang chŭn mir kăl đei năng kăl lơ̆m tơdrong atŏk tơiung choh jang xa, tơring tơrang păng jĭ “bơngai linh năm hơdrol” lơ̆m tơdrong vei lăng sơđơ̆ng phe ƀa tơmam xa.

Tổng Bí thư athei hơtŏk tơdrong iŏk yoa khoa hŏk – kơmăy kơmŏk lơ̆m tơdrong choh jang xa, hơnhăk khoa hŏk jur tơ̆ chŭn na, anih tĕch mơdro vang yak hơdoi hăm kon pơlei jang chŭn vă chih tơlĕch dôm tơdrong hơgăt ‘lơ̆ng, gĭt kăl, chih hơdăh tơmam jang đei, vei lăng ‘lơ̆ng phe ƀa tơmam xa păng pơm lăp hăm dôm tơdrong hơgăt lơ̆m apŭng plenh teh, vă atŏk tơiung tơdrong choh jang xa hăm kơmăy kơmŏk ‘nao, jang toưk pran kơjăp.