Tổng Bí thư Tô Lâm chơt hơ-iă đei tơƀơ̆p ƀok Tony Blair; bơnê kơ dôm tơdrong hơdrin đơ̆ng ƀok Tony Blair lơ̆m khei năr oei jang Thủ tướng Anh hơdrol ki, adoi nhen jang Kơdră Anih jang Tony Blair dang ei hlôi tơgop hơtŏk jang tơbôl Việt Nam- Anh. Tổng Bí thư Tô Lâm sơkơ̆t hơdah Việt Nam lăng tơgĭt tơdrong jang Tơbôl kăp gĭt hăm Anh, lơ̆m noh lăng tơdrong jang hơdoi gah tơplih kơmăi kơsô̆, unh hơyuh sơđơ̆ng, tơplih 'nao gơh hơgei păng vei lăng tơdrong jang kơ teh đak jĭ dôm tơdrong jang dơnơm kăp gĭt lơ̆m jang hơdoi, tơgop hơtŏk tơdrong jang tơbôl kơ 2 teh đak hơtŏk tơ-iung kơjăp, đei jơnei păng sơđơ̆ng 'lơ̆ng lơ̆m chăl anglŏ sơnăm 'nao.

Tổng Bí thư pơtruh nơ̆r hăm Anih jang Tony Blair pơtoi pơm gơng tơroh hơtŏk jang tơbôl đơ̆ng rim anih jang tơm, rim anih jang mŭk drăm, anih jang chih hơlen păng rim hnam trưng đăi hŏk kơ 2 teh đak, mă kăl lơ̆m tơdrong jang jơnŭm pơgơ̆r kơmăi kơsô̆, mŭk drăm kơmăi kơsô̆, hơtŏk tơ-iung kơjăp 'lơ̆ng, unh hơyuh rơgoh, pơtho pơhrăm păng jang pơgang hơmet jĭ jăn.