Tang măt ăn kơdră chĕp kơ̆l Đảng, Teh đak chơt hơiă pôk hơpăh Mê đai Rơngei dơ̆ng mă mônh ăn Anih jang Chinh trĭ kơ Khul linh kon pơlei Việt Nam, Tổng Bí thư Tô Lâm tơchĕng ‘lơ̆ng hơnăp jang păng dôm tơdrong tơgop đơ̆ng rim anih jang chinh trĭ, khul kăn ƀô̆ jang chinh trĭ, kơdră chĕp kơ̆l, bơngai jang chinh trĭ, mă loi jĭ hơnăp jang đơ̆ng Anih jang Chinh trĭ lơ̆m khei ‘năr pơjing, tơblăh, iŏk jơnei păng jang tŏk đơ̆ng khul linh lơ̆m 80 sơnăm âu ki.

Atŭm hăm ‘nŏh, Tổng Bí thư athei, tơ̆ hơnăp kơnh, Anih jang Chinh trĭ kơ khul linh hơnơ̆ng tưk tơiung tơdrong juăt ‘lơ̆ng đơ̆ng hơdrĕch hơdrung, đơ̆ng Khul linh kon pơlei Việt Nam kơtang nuih mơng păng tơdrong juăt ‘lơ̆ng đơ̆ng anih jang vang tơgop tôch tơgăl ăn tơdrong pơjing khul linh, hơmet kơjăp tơdrong vei lăng teh đak Việt Nam xã hội chủ nghĩa lơ̆m chăl ‘nao.