Sơng Tổng Bí thư Tô Lâm atŭm hăm khul kơdră tang măt teh đak bơ̆n tơ̆ cham gre păr đei Kơdră chĕp pơgơ̆r Hơnih bơ̆ jang apŭng plĕnh teh kơ Khul kơdră chĕp pơgơ̆r Trung ương Đảng lao động Triều Tiên Kim Song Nam, Kơ iĕng Kơdră jang tơbôl Triều Tiên Im Chon In, Kơdră tang măt Việt Nam tơ̆ Triều Tiên Lê Bá Vinh atŭm hăm bơngai tang măt kang ƀô̆, bơngai jang Hơnih bơ̆ jang tang măt Việt Nam tơ̆ Triều Tiên. ‘Măng năm bơ̆ jang đơ̆ng Tổng Bí thư Tô Lâm hơnơ̆ng sơkơ̆t hơdăh, trong bơ̆ jang tơbôl, pơm tơm kơdih, tơgoăt lơ pang, jang lơ pang păng vang mơ̆t hơdoi apŭng plĕnh teh kơtang, tôm tong păng jơnei kơ Hop akŏm tih Đảng lơ̆m teh đak ‘măng mă 13, Tơdrong tơchơ̆t 34 kơ Hơnih tơm Chinh trĭ găh mĭnh ƀar tơdrong pơchoh ăn tih tên tơlĕch jang kiơ̆ bơ̆ jang tơbôl păng Nơ̆r pơma pơtôch đơ̆ng Hơnih tơm Chinh trĭ găh mĭnh ƀar tơdrong jang, trong jang tih tơlĕch ăn trong jang tơbôl Hop akŏm tih 13 kơ Đảng, Tơdrong tơchơ̆t 57 kơ Hơnih tơm Chinh trĭ găh atŏk tơ iung khoa hŏk kmăi kmŏk, tơplih ‘nao tơchăr, tơplih kơsô̆ teh đak, Tơdrong tơchơ̆t 59 kơ Hơnih tơm Chinh trĭ găh vang mơ̆t hơdoi apung plĕnh teh lơ̆m chăl hle.