Iung pơma tơ̆ hop akŏm, Tổng Bí thư Tô Lâm hôn bơnê dôm tơdrong jơnei keh kong kơ hơnih jang tơ iung pơjing Đảng, đơ̆ng tơdrong iung jang đĭ ai pơchoh trong pơjing keh đang rim tơdrong tơchơ̆t găh bơ̆ jang tơ iung pơjing ming hơmet Đảng, dăh mă bơ̆jang kang ƀô̆, mă kăl kang ƀô̆ kơpal đei jơhngơ̆m đon ‘lơ̆ng, bơ̆ jang hơgei, tơgăl hăm tơdrong pơjao jang… Tổng Bí thư athei, pơđĭ lơ̆m hơnih bơ̆ jang tơ iung pơjing Đảng hơnơ̆ng pơchoh trong, tơlech ăn trong jang tơ iung pơjing khul jang chinh trĭ kơtoei, bơ̆jang gơh hơgei, jơnei hơ iă lơ̆m hơnăp jang kơ Bơngai chĕp kơ̆l hơnih jang đảng ‘noh jĭ tôch gĭt kăl. Tơƀôh hơdăh trong tơlĕch jang kăl kơ pơm kơtoei khul kơdră chĕp pơgơ̆r jĭ tơgŭm ăn khul bơ̆jang keh đang tĕnh koăng tơdrong pơjao, jang ‘lơ̆ng, lăng truh bơ̆ jang ‘lơ̆ng hloh pơjing rơvơn ăn hơnih mơdro sa păng kon pơlei. Tổng Bí thư Tô Lâm jei athei, tĕnh koăng dăr lăng rim Tơdrong tơchơ̆t đơ̆ng Đảng, hơmet ming tơmơ̆t dơ̆ng, pơm tơlĕch rim tơdrong tơchơ̆t ‘nao găh tơdrong jang, chĕp pơgơ̆r hơnih jang, găh tơdrong pơkăp jang kơ khul kơdră chĕp pơgơ̆r Đảng rim hơnih bơ̆ jang sơđơ̆ng lăp mĭnh ƀơ̆r đon đơ̆ng Trung ương truh tơ̆ tơring.