Iung pơma tơ̆ pơm lêh, Tổng Bí thư Tô Lâm sơkơ̆t hơdăh, tơ̆ yơ đei tơdrong bơ̆ jang dăr lăng, tơ̆ noh tơdrong jang ‘lơ̆ng đei pơjing, jơhngơ̆m đon lui yom đei hơmet pơ ‘lơ̆ng, yom kiơ̆ Khôi luơ̆t kơtang. ‘Nou jing tơdrong hưch hanh hơmanh bơnê hloh kơ 80 sơnăm bơ̆ jang - 80 sơnăm sơkơ̆t hơdăh jơhngơ̆m đon nuih mơng, gơh hơgei, jơhngơ̆m đon ‘lơ̆ng, tơpăt lui yom kơtang đơ̆ng khul kang ƀô̆ bơ̆ jang dăr lăng hăm Đảng, Teh đak păng Kon pơlei. Tổng Bí thư jei pơma hơdăh, dăr lăng hrei ou ưh khan lăp tơdrong jang vă ƀôh tơdrong pơm glăi, mă oei pơjing ăn tơƀôh hơdăh tơdrong tơpăt ‘lơ̆ng, pơtrŭt kơtang tơplih ‘nao, vei lăng tơdrong sơđơ̆ng păng lui yom tơpôl. Hăm trong lăng ou, Tổng Bí thư sơkơ̆t hơdăh, Hơnih bơ̆ jang dăr lăng kăl hơnơ̆ng tơplih ‘nao tôm tong, bơ̆ jang gơ̆h hơgei pran kơtang hloh dơ̆ng, lăng tơdrong bơ̆ jang dăr lăng hăm trong tơlĕch ăn atŏk tơ iung ‘noh kăl hloh, lăng kon pơlei tơm dơnơm hloh lơ̆m dôm tơdrong bơ̆ jang, lăng truh tơ iung pơjing khul chĕp pơgơ̆r tơpăt ‘lơ̆ng jơnei, kơ yuơ kon pơlei, pơvih pơvăn ăn kon pơlei.