Hloh 80 sơnăm, anih jang hlôi tơƀôh hơdăh hơnăp jang gĭt kăl lơ̆m vei sơđơ̆ng phe ƀa tơmam sa, vei lăng tơmam drăm bri brăh, đei lơ sinh hŏk păng sơđơ̆ng tơdrong jang sa ăn kơ dôm jĭt triê̆u ‘nu kon pơlei jang chŭn mir. Đơ̆ng hơnih ưh kơ măh sŏng sa, Việt Nam hlôi yak tŏk jing teh đak tĕch tơlĕch tơ̆ teh đak đe tơmam đơ̆ng choh jang sa tih hloh apŭng plĕnh teh.

Tang măt kơdră chĕp kơ̆l Đảng, Teh đak, Tổng Bí thư pơjao Mê đai Bơ̆jang dơ̆ng mă Mônh hơpăh ăn Anih tơm vei lăng găh Choh jang sa păng Cham char, pôk pơ ư dôm jơnei ‘lơ̆ng, tơƀôh hơdăh anih jang ‘noh jĭ tơm kơ mŭk drăm păng tơdrong ‘lơ̆ng hơtŏk tơiung kơjăp. Tổng Bí thư athei đĭ đăng anih jang hơnơ̆ng tơplih ‘nao đon tơchĕng, bơ̆jang kơtang hloh, jăh jang ‘lơ̆ng trong jang đơ̆ng Đảng găh choh jang sa, kon pơlei jang chŭn mir, tơring tơrang; vei lăng tơmam drăm, vei lăng cham char, tơ jră hăm tơplih tŏ ‘mi kial, tơgop bơ̆jang kiơ̆ jơnei Tơdrong tơchơ̆t Hop akŏm XIV kơ Đảng.