Pơma tơ̆ jơ pơm lêh, Tổng Bí thư pơma hơdăh: jơhngơ̆m pran vei lăng Teh đak xã hội chủ nghĩa pơtơm đơ̆ng kon pơlei, yua kơ kon pơlei, mơ̆ng kiơ̆ lơ̆m kon pơlei; “jơhngơ̆m đon tơgoăt tơgoăl đơ̆ng kon pơlei” ‘noh jĭ tơdrong kăl, hơnih gơnang kơjăp hloh.

Tang măt kơdră Đảng, teh đak pơjao Mê đai Hơnglŏng dreng ‘măng mă 5 hơpăh ăn Khŭl lĭnh kon pơlei, Tổng bí thư athei đĭ đăng khŭl lĭnh akŏm bơ̆ jang kiơ̆ 8 hơnăp jang, trong jang tơm, lơ̆m noh pơma hơdăh athei 1 jơhngơ̆m đon hăm Teh đak, hăm Đảng, hăm Kon pơlei păng chăl xã hội chủ nghĩa; vei lơkkăp tơdrong hơgăt rơngei hiôk hian hơdrĕch hơdrŭng tơklep hăm chủ nghĩa xã hội. Rim kang ƀô̆, khŭl lĭnh athei ling lang lăng kiơ̆ đon tơchĕng “kon pơlei ‘noh tơm”, iŏk tơdrong đei yua ăn teh đak, hơdrĕch hơdrŭng, Kon pơlei ‘noh kăl hloh, tơgop vei kơjăp sơđơ̆ng tơpôl, vei lăng tơdrong hơrih sơđơ̆ng hiôk ‘lơ̆ng.