Tổng Bí thư pôk pơ ư tơdrong hơdrin đơ̆ng rim kang ƀô̆, bơngai chih kơtơ̆ng ang kơ hla ar tơroi Kon pơlei bơ̆t hơlen lăng: Tơ̆ yơ đei Kon pơlei, tơ̆ noh đei Hla ar tơroi Kon pơlei, tơlĕch ăn hơnăp jang athei pơm ăn hla ar tơroi roi ‘năr roi tơjê̆, hơiă păng ‘lơ̆ng. Tổng Bí thư tơroi rơđăh, hla ar kơtơ̆ng ang kach mang pơma atŭm, Hla ar tơroi Kon pơlei pơma hơdrô̆, athei jang trŏ, jang pran, jang ‘lơ̆ng, tôm. Hla ar tơroi athei jing hla ar tơroi  đơ̆ng jơhngơ̆m kon pơlei, nơ̆r pơlei, chông ba tơpôl, hơmet ming đon lui, tơiung đon hơ pơi ‘meh, pơm tơdrong drơ̆ng lăp lơ̆m pơđĭ pơtôl, Tổng Bí thư tơroi 9 nơ̆r tơƀôh ăn vă đĭ đăng kơdră chĕp kơ̆l, kang ƀô̆ dơnơm kơ Hla ar tơroi Kon pơlei athei pơgơ̆r bơ̆jang kiơ̆ tơ̆ hơnăp kơnh.

Hla ar tơroi kăl kơ hơnơ̆ng tơplih ‘nao pran kơtang tơdrong jang roi tơbăt lơ, rơđăh tơdrong, đei jơhngơ̆m nuih, vei tơpăt ki luơ̆t, tơdrong jang, hơdrin yak tŏk pơm lăp hăm ‘meh vă hơnăp jang ‘nao, tơgop kŭm hăm đĭ đăng Đảng, đĭ đăng kon pơlei păng đĭ đăng lĭnh bơ̆n bơ̆jang kiơ̆ jơnei Tơdrong tơchơ̆t Hop akŏm ‘măng mă XIV kơ Đảng yua kơ tơdrong tơm pơjing mĭnh teh đak Việt Nam rơngei, pơgơ̆r kơdih, kon pơlei pơm tơm, pơdrŏng pran, hơnŭk hơnoa, hơgei, hiôk chơt, kơjăp yak năm tŏk chủ nghĩa xã hội./.