Sơng iŏk nơ̆r krao hơvơn đơ̆ng Kơdră chĕp pơgơ̆r Tĕh đak Nguyễn Xuân Phúc, Tổng Thư ký Liên hợp quốc António Guterres năm tơmang Việt Nam đơ̆ng năr 21-22/10/2022. Kơsơ̆ năr 21/10, pơm lêh đei pơgơ̆r tơ̆ Hơnĭh bơ̆ jang Kơdră Tĕh đak.

Tổng thư ký Liên Hợp Quốc Kơdră chĕp pơgơ̆r Tĕh đak Nguyễn Xuân Phúc.

Lăp đơ̆ng rŏng pơm lêh sơng, Kơdră chĕp pơgơ̆r Tĕh đak Nguyễn Xuân Phúc hlôi pơma đam hăm Tổng Thư ký Liên hợp quốc. Tơ̆ jơ pơma đam, Kơdră chĕp pơgơ̆r Tĕh đak Nguyễn Xuân Phúc pơma hơdăh dôm tơdrong iŏk đei jơnei kơ Việt Nam lơ̆m atŏk tơ iung tĕh đak; sơkơ̆t hơdăh trong jang tơbôl kơ dih, pơm tơm, lơ pang, iung jang păng hơdrin vang mơ̆t hơdoi hăm apŭng plĕnh tĕh đơ̆ng Việt Nam. Tổng Thư ký pơma tơbăt jơhngơ̆m hôn bơnê kơtang ‘măn ăn Kơdră chĕp pơgơ̆r tĕh đak Hồ Chí Minh păng Việt Nam lơ̆m ‘măng iung tơblăh pơm rơngei hơdrĕch hơdrung păng pơjing dơ̆ng tĕh đak, hmach chơt hơ iă dôm tơdrong iŏk đei jơnei tĭh tên kơ Việt Nam lơ̆m tang găn jĭ hơbŭh Covid-19, hơmet pơ ‘lơ̆ng mŭk drăm-tơpôl; lui Việt Nam gô hơnơ̆ng tơlĕch jang keh đang trong jang pơm sơđơ̆ng, iŏk kon pơlei ‘nŏh pơm tơm, vei lăng cham char, iung tơjră tang găn tơplĭh tŏ ‘mi kial, đei jing trong jang jơnei vă rim tĕh đak anai hŏk pơhrăm jang kiơ̆.