Pơma đam pơgơ̆r đơ̆ng năr 12-17/12. Đei 633 'nu vang akŏm pơlong truh đơ̆ng 54 dêh char, pơlei tơm lơ̆m jâ̆p teh đak vang akŏm Pơlong.

Rim bơngai tơplŏng kơdâu pơlong 9 tơdrong: hlôh vao găh vei xơđơ̆ng tơpôl; khul tiểu đô̆i; khul rim bơngai ưh đei phao; kih thuơ̆t tơgŭm dŏng, hơ –'nhăk bơngai rơka hơbur; klơ̆m găr nat trŏ pơkăp; pơih pơlăp phao AK; iŏk yua dôm tơdrong kăl pơtơm lơ̆m iung tơjră; kơdâu ataih 800m; pơnăh phao AK. Môn hŏk Pơtho pơhrăm vei xơđơ̆ng tơpôl teh đak hlôi tơgŭm ăn đe hŏk tro THPT lơ̆m jâ̆p teh đak hơtŏk pran tôm tơdrong, đei dôm tơdrong hlôh vao mă blŭng găh dôm tơdrong kăl kơ tơdrong vei xơđơ̆ng tơpôl lơ̆m tôm kon pơlei, tơ̆ tơring kon pơlei oei xa; tơdrong juăt jue iung tơjră ayăt tơgar kơ kon pơlei, khul linh kon pơlei păng tơdrong gơh rơgei kơ khul linh Việt Nam.