Đŏk tơbăt dôm tơdrong kăl trong vă pơjing Khôi luơ̆t, Kơdră chĕp pơgơ̆r Hơnih tơm vei lăng Joh ayŏ kơdŏ soang Đă ƀŏng lŏng tơplŏng kơdou păng Tơmang pơhiơ̆ Nguyễn Văn Hùng tơbăt, pơtêng hăm Khôi luơ̆t Ƀăo chĭ hrei ou đei 6 chăl 61 apăng ‘noh trong vă pơjing Khôi luơ̆t Ƀăo chĭ (hơmet ming) tơchĕng lăng đei 4 chăl, 50 apăng (tơjur 2 chăl, 11 apăng), lơ̆m ou: Vei kơjăp dôm tơdrong lơ̆m 9 apăng, hơmet ming dôm tơdrong lơ̆m 38 apăng, tơmơ̆t ‘nao 3 apăng, hơmet ming 6 apăng. Găh rim tơdrong tơchơ̆t vă vei lăng kơjăp bơ̆ jang ƀăo chĭ, sơđơ̆ng ‘lơ̆ng tơdrong bơ̆ jang, jơnei lơ̆m bơ̆ jang chĕp pơgơ̆r, vei lăng, trong vă pơjing Khôi luơ̆t gô vă pơjing đei 7 tơdrong tơm ‘noh pơ̆ih să gơ̆h jang kơ ƀăo chĭ lơ̆m bơ̆ jang mạng vă pơchoh trong, chông ba kơtơ̆ng ang; pơjing đei rim hơnih bơ̆ jang tơm dơnơm, pran kơtang; pơtrŭt kơtang rim khul tơpôl ăn atŏk tơ iung ƀăo chĭ; hơmet pơ ‘lơ̆ng rim tơdrong ưh kơ lăp, tơhlăk tơhlĭn kơ Khôi luơ̆t Ƀăo chĭ sơnăm 2016, pơm hơtŏk bơ̆ jang ‘lơ̆ng kơ khul bơngai bơ̆ jang chih kơtơ̆ng ang. Tơchĕng hơlou trong vă pơjing Khôi luơ̆t Ƀăo chĭ (hơmet ming) gô đei Kuô̆k hô̆i lăng hơlen, pơdrơ̆ng kiơ̆ tơ̆ ‘măng hop akŏm mă 10, Kuô̆k hô̆i jăl XV.