VOV4.Bahnar - Hơ nơ̆ng bơ̆ jang lơ̆m Hop akŏm Trung ương 6, jăl XIII, pơ gê 6/10, Khul kơ dră chĕp kơ̆l Trung ương Đảng bơ̆ jang tơ̆ Hnam hôp, pơ ma nuh găh tơ drong hơ nơ̆ng tưk hơ tŏk tơ drong jang hăm kơ măy kơ mŏk ‘nao kơ tĕh đak truh sơ năm 2030, trong jang truh sơ năm 2045. Ƀok Vương Đình Huệ, Kơ dră jang lơ̆m Anih tơm Chinh trĭ, Kơ dră Kuô̆k hô̆i, tang măt ăn Anih tơm Chinh trĭ pơ gơ̆r jơ pơ ma nuh.

Rup Hop akŏm Trung ương 6

Tơ̆ kơ sơ̆, Khul kơ dră chĕp kơ̆l Trung ương Đảng bơ̆ jang lơ̆m Grŭp, pơ ma nuh găh hla ar chih tơ roi tơ drong jang mŭk drăm, tơ pôl, thu mong jên tơ lĕch jên jang kơ teh đak sơ năm 2022, tơ chĕng hơ len trong jang atŏk tơ iung mŭk drăm, tơ pôl, thu mong, tơ lĕch jên jang kơ teh đak sơ năm 2023 păng trong jang jên hu kơ teh đak 3 sơ năm 2023-2025.

VOV/Dơ̆ng tơ blơ̆